Powered By Blogger

Tuesday, November 2, 2010

අඩලියේ පෙන්ගුවින්












සතෙක් ගැන යමක් තුලින් අද මම ඔඹට ඉදිරි පත් කරනනේ අඩලියේ පෙන්ගුවින් ගැන. අඩලියේ පෙන්ගුවින් (සිංහලෙන් කියන නමනම් දන්නෙ නැ)( Adelie Penguin) සත්ව විද්‍යාත්මක නමින් කීයනවනම් පයිගොසේලිස් අඩලියේ (Pygoscelis adeliae)  වෙන්න පුලුවන් ඇන්ටාක්ටික් පෙන්ගුවින්ලගෙන් හොඳින්ම දන්නා පෙන්ගුවින් විශේෂය. අඩලියේ පෙන්ගුවින්ට ඒ නම ලැබිල තියෙන්නෙ ප්‍රංශ ධ්‍රැව විද්‍යඥවරයකු වන ඩ්‍යූමන්ට් ඩවිල් (Dumont d'Urville) ගේ බිරිඳ ගේ නමිනුයි. අඩලියේල අනෙක් පෙන්ගුවි වර්ග වලට වඩා යම් ප්‍රමාණයකින් පොඩියි.
 මොවුන් විශාල ජනපද ගොඩනගා ගන්නව, සමහරවිට කුරුල්ලන් දෙලක්ෂයක් පමණ වන ජනපද පවා තියනව. මොවුන් තම වර්ගයා බෝකරන්නෙ ගල් සහිත වෙරලවල් වල හා දූපත් වලයි, කුඩුහදා ගන්නෙ ගල් වලින්. ගැහැනු සතා නොවැම්බරයෙ මුල් කාලයේ, දීප්තිමත් කොළ පැහැයෙන් යුත් බිත්තර දෙකක් දමනව. එවගේම මව් හා පිය කුරුල්ලන් මාරුවෙන් මාරුවට බිත්තර රකිමින් ආහාර සපයා ගැනීමට මුහුදට පිහිනා යනව.
  අඩලියේ පෙන්ගුවින්ලගෙ පැහැය කියනවනම් සමාන්‍ය මෙන්ගුවින්ලගෙ පාටම තමයි. එත් මුන්ගෙ කලු පාට පසු ප්‍ර‍‍‍‍‍දේශය,හිස හා අත්තටු හොඳන් කැපිල පේන සුදු පාට උදරයක් සහ පපුවක් තියතව. එවගේම ඇස් වටේට සුදු පාට රවුමක් පේනව නේද? එකත් විශෙෂත්වයක්. අඩලියේල සෙන්ටි මීටර් 46-61 ප්‍රමාණයට උසින් සහ කිලෝ 4-5 විතර බරට වැඩෙනව. ගැහැනු හා පිරිමි සතුන් දෙන්නම එකම පෙනුමෙන් යුක්තයි.
 මෙම පෙන්ගුවින් විශේෂයේ ප්‍රමාණය එකසේ පවතිනව සමහරවිට වැඩිවෙනව වෙන්නත් පුලුවන්. දැනට මුන් මිලියන 2 සිට 2.6 විතර ඩීවත් වෙනවව. අඩලියේ පෙන්ගුවින්ලගේ ගහනය ඇන්ටාටිකාව වටා පවතින මුහුදේ ඇන්ටාර්ක්ටික් ක්‍රිල්(Antarctic Krill) නම් මත්ස්‍ය ගහනය මත රදා පවතින ‍නිසා දක්ෂිණ ද්‍රැවය ප්‍රදේශයේ ඇති ජලයෙ ඇති ‍සෞඛ්‍යසම්පන්නබව මනින ජීවමාන මිම්මක් වශයෙන් විද්‍යඥයින් මේ කුරුල්ලන්ව යොදාගන්නව.

අඩලියේ පෙන්ගුවින් පිලිබඳ තවත් තොරතුරු කිහිපයක් මේ:

බර: කිලෝග්රෑම් 3.6-5 අතර.
උස: සාමාන්‍යයෙන් සෙන්ටි මීටර් 69,
ආහාර: ප්‍රධාන වශයෙන්ම ඇන්ටාර්ක්ටික් ක්‍රිල් නම් මත්ස්‍ය වි‍ශෙෂය. ඊට අමතරව කුඩා බූවල්ලන්.
අභිජනන සමය: වසන්තයේ මුල සමයේ සිට ග්‍රිෂ්ම සෘතුව දක්වා.
වරකට දමන බිත්තර ප්‍රමාණය: සාමාන්‍යයෙන් 2කි.
බිජු රකින කාලය: දින 24 සිට 39 දක්වා.
පරිනතවන අවදිය: ගැහැනු වසර 3-6 , පිරිමි වසර 4-6 අතර.

නිජභූමි:
ගලි සහිත වෙරලබඩ, අයිස් කැට ඇති ප්‍රදේශ සහ ඇන්ටාටිකාවේ මුහුදුතීරය. මුලු ඇන්ටාටිකා ප්‍රදේශයේම ආහාර සොයමින් පිහිනා යයි.

තවත් දවසක සතෙක් ගැන යමක් සමග හමුවෙමු

No comments: